इन्डिकेटर होइन पहिला Strategy बुझ्न र हुन जरूरी छ ।

शेयर बजारमा  विभिन्न प्रबिधिको अागमन सँगै धेरै सिस्टम अनि अवधारणाहरू देखिन सुनिनमा अाएको छ। झत्त हेर्दा त तिनीहरू प्रयोग गरी निर्णयहरू गर्न मद्दत गर्छ र फाइदा लिन सकिन्छ। तर यथार्थमा त्यसतो भइरहेको हुदैन। हालै त झन AI को प्रयोग समेत हुन थालेको छ। बिभिन्न सिस्टम तथा AI ले बिगतमा भएका गतिबिधिका अाधारमा सुझाबहरू दिइन्छ तर शेयर बजार नया अायामा अाधारित हुने भएकाले पूर्णत बिगतका कुरा दोहोरिन्दैन। यदि त्यसतो हुन्थ्यो भने सँसारकै शेयर बजार मार्क जकरबर्ग अनि एलोन मस्कको कब्जामा हुनु पर्ने थियो ।

शेयर बजारमा सफल हुन प्रबिधिको साथसाथै अाफ्नै Strategy हुन जरूरी छ। Indicators त Strategy अनुसार फरक हुन्छन। बिश्वमै चर्चित Strategyहरू मध्ये मार्क मिनर्विनीको SEPA (Specific Entry Point Analysis) रणनीति, अन्ना काउलिङको भोल्युम प्राइस एनालाइसिस (VPA), र रिचर्ड वाइकोफको सिद्धान्तहरू निकै प्रभावकारी मानिन्छन्।

मार्क मिनर्विनीको SEPA रणनीति

मार्क मिनर्विनीले SEPA (Specific Entry Point Analysis) रणनीति प्रस्तुत गरेका हुन्, जुन प्रारम्भिक चरणमा उच्च सम्भावना भएका स्टकहरू पहिचान गर्ने प्रक्रियामा केन्द्रित छ। यो विधिमा बलियो आम्दानी वृद्धि, सापेक्षिक मजबूती (relative strength), र प्रवृत्तिमा प्राविधिक ब्रेकआउटहरू महत्त्वपूर्ण मानिन्छ। मिनर्विनीले जोखिम व्यवस्थापनलाई विशेष ध्यान दिन्छन् र volatility contraction pattern (VCP) प्रयोग गरेर उत्तम प्रविष्टि बिन्दुहरू (entry points) पत्ता लगाउने रणनीति अपनाउँछन्। उनको विधि momentum trading सँग मेल खान्छ, जसले व्यापारीहरूलाई बलियो प्रवृत्तिहरू समात्न र जोखिम न्यून गर्न मद्दत गर्छ।

अन्ना काउलिङको भोल्युम प्राइस एनालाइसिस (VPA)

अन्ना काउलिङको भोल्युम प्राइस एनालाइसिस (VPA) एउटा यस्तो प्रविधि हो, जसले भोल्युम र मूल्यको गतिबिधिलाई संयोजन गरेर बजारको Trend बुझ्न सकिन्छ। प्राविधिक विश्लेषण (technical analysis) प्रायः मूल्य चालमा मात्र केन्द्रित हुन्छ, तर VPA ले संस्थागत लगानीकर्ताहरूको उद्देश्य बुझ्न मद्दत गर्छ। यसले भोल्युम वृद्धिहरू, मूल्य ब्रेकआउटहरू, र आपूर्ति-माग असन्तुलनहरू विश्लेषण गरेर बजारको अवस्था पहिचान गर्छ। यो विधि accumulation र distribution चरणहरू पत्ता लगाउन विशेष उपयोगी छ, जसले बजारका ठूला खेलाडीहरू (smart money) को गतिविधि प्रस्ट पार्छ।

वाइकोफ विधि र यसको प्रयोग

रिचर्ड वाइकोफको सिद्धान्तहरू २०औँ शताब्दीको सुरुमा विकास गरिएका भए पनि, आजको दिनमा पनि धेरैले ती विधिहरूलाई व्यापक रूपमा अपनाएका छन्। वाइकोफ विधि ले संस्थागत लगानीकर्ताहरू (smart money) को व्यवहार बुझ्न बजार संरचना, भोल्युम, र मूल्य चाल विश्लेषण गर्छ। यसको चार प्रमुख चरणहरू छन्— accumulation, markup, distribution, र markdown। वाइकोफका अवधारणाहरू जस्तै Composite Man, Spring, र Upthrust अत्यन्तै उपयोगी छन्, जसले बजार चक्रको खरीद र बिक्री अवसरहरू पहिचान गर्न मद्दत गर्छ।

मिनर्विनीको SEPA रणनीति, काउलिङको VPA प्रविधि, र वाइकोफको बजार चक्र अवधारणा लाई संयोजन गर्दा अझ प्रभावकारी Strategy बनाउन सकिन्छ। यी विधिहरूको सहायताले बजारमा जोखिम हिसाब गरि सही समयमा किन्न  र बेच्न सकिन्छ।